4.8 C
Prizren
E hënë, 28 Nëntor, 2022

Ukraina pritet të shpallë gjendjen e jashtëzakonshme

Parlamenti i Ukrainës pritet të diskutojë sot për të shpallur gjendjen e jashtëzakonshme. Kryetari i Këshillit të Sigurisë dhe Mbrojtjes, Oleksiy Danilov tha se do t’u takojë autoriteteve rajonale të përcaktojnë se cilat masa do të zbatojnë, por ato mund të përfshijnë mbrotje shtesë për objektet publike, kufizimin e trafikut, si dhe kontrolle të shtuara të dokumenteve dhe mjeteve të transportit.

Ukraina përshëndeti sanksionet e vendosura nga Perëndnimi ndaj Rusisë, por bëri thirrje për shtimin e tyre, që të ndalohet Presidenti Putin nga “agresioni i mëtejshëm”.
Shtetet e Bashkuara, Bashkimi Evropian, Kanadaja, Britania dhe Gjermania, reaguan me sanksione dje, për atë që e quajnë përshkallëzim hap pas hapi, duke premtuar sanksione më të ashpra në vartësi të veprimeve të Rusisë.

“Ende nuk kemi parë një sulm frontal, por nëse Presidenti Putin i përshkallëzon veprimet, Perëndimi do të përgjigjet me intensifikim të sanksioneve”, tha sot Ministrja e Jashtme e Britanië, Liz Truss.

Ndërkohë Uashingtoni anuloi një takim të parashikuar këtë javë midis Sekretarit të Shtetit, Antony Blinken dhe Ministrit të Jashtëm rus, Sergei Lavrov. Sekretari Blinken tha dje se Rusia “e ka bërë të qartë se e kundërshton diplomacinë”./Voa/

Më Shumë

Ngacmohet një e nxënëse në Prizren

Një person dyshohet se në mes të rrugës i ka zënë pritën një vajze të mitur në Prizren. Viktima ishte duke u kthyer nga shkolla...

Mel C zbulon se kurrë nuk do të performonte në ‘Katar 2022’ as për një marrëveshje milionëshe si ajo e David Beckhamit

Mel C ka zbuluar se ajo do të refuzonte një ofertë për të performuar në vendin mikpritës të Kampionatit Botëror, Katar. Këngëtarja 48 vjeçe, tha...

Lajmet e Fundit