Gjenerali Kudusi Lama ka thënë se ai ka njohur vetëm një Ushtri Çlirimtare të Kosovës. Sipas tij, edhe Bujar Bukoshi ka deklaruar se në Kosovë ka vetëm një UÇK dhe të gjithë do të jenë luftëtarë të saj.
“Unë kam njohur një Ushtri Çlirimtare të Kosovës. Të gjithë ushtarët e saj kanë pasur të njëjtën emblemë dhe flamur. Nuk mund dhe nuk duhet të ketë dy emërtesa. E di që Bujar Bukoshi në pranverë të vitit 1997, pas betejës famëmadhe të Jasharëve e zgjedhjeve të organizuara në Kosovë pas saj, ka deklaruar nga ekzili krijimin e Forcave të Armatosura të Republikës së Kosovës (FARK). Por pas reagimeve kundërshtuese dhe diskutimeve të kohës, di se ai deklaroi se në Kosovë ka vetëm një UÇK dhe të gjithë do të jenë luftëtarë të saj. Kjo, sipas vlerësimit tim, e shpërbëri FARK-un”, ka thënë Lama në një intervistë për “Epokën e re”.