Universiteti i Prizrenit “Ukshin Hoti” shpall konkursin plotësues për pranimin e studentëve të rinj në studimet Bachelor, për vitin akademik 2015/2016.
Në afatin e dytë do të regjistrojë edhe 1224 studentë nga të cilët 216 studentë nga radhët e minoriteteve: turq dhe boshnjakë, romë, ashkali dhe egjiptian, kroat.
“Të drejtë konkurrimi kanë të gjithë kandidatët të cilët e kanë përfunduar me sukses shkollën e mesme në Kosovë dhe posedojnë diplomë për shkollimin e kryer. Në Universitet mund të pranohen edhe studentët nga shtetet tjera”, thuhet në komunikatën e UPZ-së.
Paraqitja e dokumenteve zgjat prej datës 03 .09.2015 deri më 17.09.2015 ora 15:00, ndërsa provimi pranues do të mbahet më 21-22 .09.2015 duke filluar prej orës 9.00. /PrizrenPress.com/