Rreth 20 mijë nxënës kanë aplikuar për t’u bërë studentë të Universitetit të Prishtinës. Mirëpo vetëm 10 mijë nga ta do ta kenë fatin që të pajisen me indeks.
Universiteti i Prishtinës “Hasan Prishtina”, të enjten ka mbyllur konkursin për pranimin e studentëve të rinj, shkruan Tribuna.
Sipas drejtuesve të këtij universiteti, rreth 10 mijë e 54 vende janë të lira për të mirëpritur studentët në UP.
Zëdhënësi i rektoratit, Ardian Gola, thotë se për këtë vit, interesimi i atyre që dëshirojnë të bëhen pjesë e Universitetit të Prishtinës ka qenë mjaft i madh dhe se procesi i aplikimit të studentëve ka shkuar në mënyre të qetë.
“Procesi ka shkuar në mënyrë të qetë. Për 10 mijë vende kanë aplikuar rreth 20 mijë kandidatë”, ka thënë Gola.