Juliana në dhomën e gjumit, provon fustanin që do të veshë për mbrëmje. Valeri që ndodhet në dhomë e ndihmon ta veshë. Ajo rrotullohet rreth vetes, disi e pabindur. Më pas ajo zbret shkallët duke bërë xhiro nëpër shtëpi dhe duke hedhur shikimin në të gjitha pasqyrat. Valeri dhe Visari dukeshin të mahnitur nga fustani i saj, duke i bërë komplemente të shumta.
Të ngacmuar nga pamja e saj, ata nisin të flasin për vajzat që u kanë tërhequr vëmendjen në shtëpi. Ata bien një mendje, kur flasin për bukurinë e Violës, që sipas tyre ‘ishte një kukull’, duke shtuar se si brune, vajza më e bukur në shtëpi është Juliana. Ata vazhdojnë të flasin për fustanin e saj, ndërkohë për së largu edhe Jona me Matildën, shohin gjithë kreshëri se si “valëzonte” Juliana, duke u endur nëpër shtëpi.
Kjo e fundit shfaqet edhe një herë ne dhomën e djemve, me fustanin veshur. Visari nis ta ngacmojë, duke i kërkuar ta ndihmojë për t’i zbërthyer zinxhirin nëse i duhet ndihmë, por ajo nuk pranon duke ngjitur shkallët për në dhomën e saj.