9 C
Prizren
E martë, 14 Tetor, 2025

Vajzat e Kosovës me suksese edhe në karate

Rinesa Osmani nga klubi i karatesë “Fushë Kosova”, këtë fundjavë është shpallur nënkampione në kategorinë junior deri në 59-të kilogramë, në Ligën Botërore të Rinjëve në Stamboll të Turqisë.

16-të vjeçarja zhvilloi pesë duele, duke arritur katër fitore ndaj garuesve nga Turqia, Kroacia dhe Polonia, ndërsa në finale pësoi nga zvicerania, Lea Bosshard.

Anëtarja e tjetër e klubit të karatesë “Fushë Kosova”, Valëza Gashi, përfundoi në pozitën e pestë në kategorinë e saj kadet +54 kilogramë.

Ndërsa tek konkurrenca e meshkujve, u siguruan dy medalje. Ensar Zejnullahu nga klubi “Ardhmëria” në Prishtinë, fitoi medalje argjendi tek kategoria e kadetëve të rinj mbi 55 kilogramë.

Ndërsa të bronztën, e siguroi Rigon Baruti nga klubi “Mitrovica” në kategorinë e juniorëve deri në 68-të kilogramë.

Kosova në këtë garë mori pjesë me 40-të garues nga 799-të karateistë nga gjithë bota, të udhëhequr nga dy përzgjedhësit Ylber Syla dhe Leutrim Pepaj dhe krahas tyre u përfaqësua edhe nga dy gjyqtarët, Ardian Muhadri dhe Astrit Ndrecaj.

Më Shumë

Aksione të Policisë në Prizren e qytete tjera – arrestohen 52 persona për prostitucion

Policia e Kosovës ka zhvilluar një sërë aksionesh në disa qytete të vendit, përfshirë Prizrenin, që kanë rezultuar me arrestimin e 52 personave të...

Shaqir Totaj merr mbështetjen e sportistëve dhe shoqatave kulturore e artistike të Prizrenit

Kandidati i PDK-së për kryetar të Prizrenit, Shaqir Totaj, ka vlerësuar kontributin e madh të të rinjve, sportistëve dhe organizatave kulturore gjatë mandatit të...

Lajmet e Fundit