I ftuar sot në mëngjes në emisionin ”Boeing 104.6” në Premium Channel dhe Radio Travel ishte Valentin Markvukaj, muzikanti i grupit “Djemtë e Detit” i cili jeton në Australi prej 20 vitesh dhe që sot vazhdon të merret ende me muzikë.
Ai ishte në studion e “Boeing” për të folur për projektin e fundit të grupit që tashme i mungon një pjestar, Gent Demaliaj.
Valentini tha se kishte 5 vite pa ardhur në Shqipëri dhe se jeta e tij tani në Australi është shumë ndryshe nga jeta që bënte në Shqipëri mbi 20 vite më parë kur iku.
Sot ai ka studion e tij në Australi ku punon me shumë artistë dhe merret me produksion.
Gjatë bisedës ai tha se ky projekt është një rikthim i “Djemve të Detit” pasi kënga vjen pas një pause të gjatë profesionale.