Aksioni i pastrimit të ambientit, gjegjësisht largimi i mbeturinave nga deponitë ilegale, ka filluar më 1 prill, ku është pastruar një pjesë e Malishevës, pastaj Golluboci, dhe është duke vazhduar në vendbanimet tjera, sipas orarit të përcaktuar nga drejtoria e Shërbimeve Publike. Për këtë qëllim, gjatë pasdites së djeshme, kryetari Begaj, i ka vizituar Mleqanin dhe Plloqicën, dy vendbanime, ku ka vazhduar aksioni gjatë ditës së djeshme.
Duke parë nga afër zhvillimin e këtij aksioni, i cili do të zgjasë, jo vetëm gjatë muajit prill, por deri në largimin e të gjitha këtyre deponive, Kryetari Begaj, ka ofruar mbështetjen e tij, në përkrahje të këtij aksioni. Begaj, gjatë bisedave me banorët e këtyre fshatrave, ka thënë se “nëse arrij ti largoj mbeturinat dhe ta shoh këtë vend të pastër, gjatë këtij mandati, nuk dua asgjë me tepër në jetën time”.
Muaji prill, ishte shpallur nga ana e kryetarit Begaj,ishte shpallur muaj i pastrimit, ku përmes aksioneve nga Komuna, kompania e grumbullimit të mbeturinave “Eko regjioni”, njësia në Malishevë dhe banorët e të gjitha vendbanimeve, pritet të largohen mbeturinat nga ambienti. Kryetari Begaj, këtë aksion është duke e promovuar edhe në të gjitha takimet me qytetar, që po i mbanë në vazhdimësi, nëpër fshatrat e Malishevës./PrizrenPress.com/