Oda e Avokatëve të Kosovës ka bërë të ditur se sot ka vdekur avokati Hajrip Krasniqi.
Krasniqi ishte edhe kryetar i Degës Regjionale në Prizren të Odës së Avokatëve të Kosovës.
Në njoftimin e lëshuar shprehet ngushëllim për familjarët dhe miqtë, si dhe bëhet e ditur se varrimi i të ndjerit do të bëhet nesër në varrezat e qytetit të Prizrenit.
“Oda e Avokatëve të Kosovës, duke qenë shumë krenare me veprën dhe kontributin e dhënë nga Krasniqi, shprehë ngushëllimet më të sinqerta familjarëve, miqve dhe të gjithë kolegëve të tij”.
“Oda e Avokatëve të Kosovës, do të mbaj mbledhje komemorative për ta nderuar figurën e z. Hajrip Krasniqi, nesër me datë 11.01.2023, në ora 12:00 në Fakultetin Juridik të Universitetit “Ukshin Hoti” në Prizren”, thuhet në njoftim.