Gazetari dhe publicisti Fahri Musliu, në këtë rast të veçantë, vlerësoi jetën dhe kontributin e pavdekshëm të aktorit.
Ai shprehu keqardhjen se, megjithatë, edhe pse Fehmiu ka lënë një trashëgimi të madhe, vlerat e tij janë neglizhuar. Musliu bëri thirrje për një vëmendje më të madhe dhe respekt ndaj trashëgimisë së aktorit të madh.
Drejtori i Teatrit Profesionist të Prizrenit, Burim Mustafa, gjithashtu theksoi rëndësinë e mbajtjes së nderimit institucional për Fehmiun dhe organizimin e aktiviteteve që e vlerësojnë kontributin e tij të jashtëzakonshëm.
Pas vetes ai la vepra të pashlyera, si në kinematografinë e huaj dhe atë shqiptare.
Fehmiu arriti kulmin e tij me filmin “Mbledhësit e Puplave”, në vitin 1966. Deri në atë kohë, ai kishte studiuar dhe ishte bërë i njohur nga shumë shtëpi filmi nëpër botë.
Ai është aktori i parë shqiptar i filmit dhe i teatrit, që ka luajtur me sukses në filmat dhe skenat e gjithë hapësirës së ish-Jugosllavisë.
Disa nga rolet më të njohura të Bekim Fehmiut janë “Prova speciale”, “Odissea”, “Aventurieri”, “Rruga”, “Vitet e nxehta”, “Dezertori”.
Fehmiu ka bashkëpunuar me emra të njohur të kinematografisë botërore si John Huston, Olivia de Havilland, Ava Gardner, Robert Shaw, Dirk Bogarde e Irene Papas../ TV Prizreni