5.8 C
Prizren
E premte, 7 Tetor, 2022

Veteranët thonë se protesta u politizua

OVLOrganizata e Veteranëve të Luftës të UÇK-së të cilët mbështetën protestën e sotmen dënojnë politizimin e saj si dhe sulmet që u bënë ndaj Policisë dhe ndërtesës së Qeverisë.

Gjithashtu ata dënojnë ashpër të gjithë ata që tensionuan situatën, luajtën me ndjenjat e sinqerta të qytetarëve, duke e shndërruar protestën në të kundërtën e qëllimit të saj.

“Përderisa qytetarët u tubuan për mbrojtjen e pasurive të Kosovës, kahja politike dhe huliganiste që iu dha protestës, prodhoi të kundërtën: u demoluan ndërtesat e institucioneve të Kosovës dhe objektet afariste, si dhe u lënduan ata që kujdesen për sigurinë tonë”, thotë OVL e UÇK-së.

E ripërsëritin se mbrojtja e pasurive të Kosovës si dhe dënimi i deklaratave shoveniste nga ana e një ministri serb të Qeverisë së Kosovës, ishin qëllimet për të marrë pjesë në protestën e sotme.

“Kështu besojmë se edhe qytetarët që morën pjesë, kishin sinqeritetin më të madh për protestë dinjitoze, e assesi prirjen për dhunë të panevojshme”, thotë OVL e UÇK-së.

Shoqatat e dala nga Lufta e UÇK-së, thonë se do të përkrahin të gjitha protestat paqësore për të mirën e përgjithshme, e assesi protestat vandaliste ku dëmtohen pronat publike dhe të qytetarëve.

Më Shumë

Prizren, 34 aktakuza kundër 44 personave për vepra të ndryshme penale

Prokurori i Shtetit njofton opinionin publik se gjatë 24 orëve të fundit, nga prokuroritë Themelore janë ngritur 103 aktakuza kundër 116 personave, për vepra...

Detaje nga operacioni “TOTO”, mbi 50 mijë euro të sekuestruara dhe 13 persona të arrestuar

Të mërkurën në orët e pasdites, 13 persona janë arrestuar nën dyshimin se kanë kryer veprat penale “organizim i skemave piramidale dhe bixhozit të...

Lajmet e Fundit