18.3 C
Prizren
E shtunë, 23 Gusht, 2025

Vetëvendosje: Dhuna nuk ishte pjesë e skenarit të protestës

VV-logo9-09Lëvizja Vetëvendosje ka njoftuar se rreth 30 mijë qytetarë kanë marrë pjesë sot në protestën e cila ishte e organizuar nga kjo lëvizje dhe shoqata “ Thirrjet e Nënave” kundër ministrit Aleksandar Jabllanoviq dhe në mbrojtje të “Trepçës”.

“Mbi 30 mijë qytetarë sot marshuan në protestën më të madhe pas luftës, të thirrur nga Lëvizja Vetëvendosje! dhe shoqata ‘Thirrjet e Nënave’ kundër Jabllanoviqit dhe në mbrojtje të Trepçës. Masa e protestuesve fillimisht u tubua në platonë para Bibliotekës Kombëtare, ku u zbarkuan dhjetëra autobusë me qytetarë, që erdhën nga të gjitha qendrat Kosovës. Marshi dinjitoz i protestuesve vazhdoi nëpër rrugën George Bush, Sheshin Nëna Terezë, për t’u ndalur para Qeverisë”, thuhet në një kumtesë të VV-së.

Përmes një reagimi tjetër, Vetëvendosje ka thënë se dhuna që ka ndodhur nuk ka qenë pjesë e skenarit të protestës.

“Ato që kanë ndodhur jashtë marshit dhe skenarit për të cilin ishim dakorduar nuk janë pjesë e protestës. Një grup i vogël njerëzish në protestë nuk e kanë respektuar skenarin tonë dhe kanë ndërmarrë veprime me të cilat nuk pajtohemi. Po ashtu dënojmë ashpër dëmtimin e lokaleve private në shesh”, thuhet në kumtesë. “Gjithashtu, duam të potencojmë që dy protestuesit e arrestuar nga Policia e Kosovës nuk janë aktivistë të Lëvizjes Vetëvendosje”.

Më Shumë

Gjendet në mjet shpërthyes në Prizren, ndërhynë FSK-ja

Një qytetar ka raportuar se ka hasur në një mjet të dyshuar shpërthyes në rrugën “Idriz Ngucati” në Prizren. Sipas Policisë së Kosovës, ankuesi ka...

Vjehrri rrah nusen në Rahovec

Një grua në Rahovec ka njoftuar policinë se ka pësuar dhunë nga vjehrri i saj. Sipas raportit policor, viktimës i është ofruar ndihmë mjekësore dhe...

Lajmet e Fundit