Pavarësisht marrëveshjes në mes të Ministrisë së Arsimit dhe KQZ-së për lejim të organizimeve dhe manifestimeve të ndryshme nga ana e subjekteve politike gjatë fushatës zgjedhore nëpër objektet shkollore pas përfundimit të orarit mësimor, Qendrës së Lëvizjes Vetëvendosje! në Sharr nuk po i lejohet mbajtja e trajnimit me vëzhguesit e saj brenda objektit të gjimnazit “Ruzhdi Berisha”.
Sipas VV-së, për t’u marrë leja zyrtare nga Drejtoria e Arsimit, ata kërkojnë që të paguhen paraprakisht 15 euro për shfrytëzim të klasës.
Në anën tjetër, drejtori i gjimnazit, Shukri Nebiu, duke u munduar që ta heq përgjegjësinë nga vetja, është arsyetuar se pa lejen e drejtorit të Drejtorisë së Arsimit, nuk mund ta lejojë shfrytëzimin e objektit shkollor.
Qendra e Lëvizjes Vetëvendosje! në Sharr shpreh shqetësimin e saj me këtë padrejtësi dhe fyerje që po u bëhet anëtarëve të saj, dhe dënon ashpër këtë akt që është në kundërshtim me ligjin dhe të drejtën e qytetarëve për të qenë pjesë aktive e shoqërisë dhe për të marrë pjesë në procesin elektoral