Kandidatja e LDK-së për kryeministre të Kosovës Vjosa Osmani dhe kryetari i degës së këtij subjekti politik në Prizren, Anton Quni kanë qëndruar në Kullën e Isa Boletinit.
“Sot në Kullën e Isa Boletinit, në veri të vendit, së bashku me kryeministren e ardhshme të Kosovës, Vjosa Osmani, u dha një mesazh; kufijtë e Kosovës janë të paprekshëm dhe se mbrojtja e sovranitetit e nderit të vendit janë obligim i yni edhe për hirë të sakrificës së brezave të tërë dhe gjakut të derdhur”, shkruan Quni, i cili është edhe kandidat për deputet të Kuvendit të Kosovës.
“LDK ka lindur kur Kosova kishte nevojë për mbrojtje dhe mbijetesë substanciale, dhe 6 tetori do të rikonfirmoj se është vetëm një parti që i del Zot këtë vendi, se vetëm Lidhja Demokratike në pushtet sjell siguri, stabilitet dhe ecje përpara në rrugën që e trasoj themeluesi i saj dhe i shtetit modern të Kosovës, Ibrahim Rugova, duke krijuar aleanca me partneret më të fuqishëm evropian e me SHBA-në”./PrizrenPress.com/