Vjosa Osmani nga LDK ka reaguar në profilin e saj në FB për vdekjen tragjike të Ali Fetahut në Hungari. Osmani për këtë ka fajësuar institucionet e Kosovës, të cilat sipas saj nuk kanë kryer punën e tyre si duhet, sa i përket informimit të qytetarëve lidhur me rreziqet që përbën në vete emigrimi ilegal.
Reagimi i Vjosa Osmanit
Pavaresisht arsyeve qe mund t’a kene shtyre te ndjerin te marre rrugen e rrezikshme te udhetimit (sepse mediat po raportojne se ai qendronte mire ekonomikisht), ky rast i tmerrshem tregon se institucionet deri tani nuk i kane informuar qytetaret sa duhet per rreziqet e migrimit ilegal dhe per mashtrimet e keqperdorimet e trafikanteve me njerez.
Nese ky problem nuk adresohet urgjentisht, fatkeqesisht mund te humbasim edhe qytetare te tjere. Kjo eshte nje humbje e tmerrshme per familjen dhe nje sinjal i fundit per institucionet per veprime urgjente ne krijimin e perspektives per qytetaret ne Kosove e jo jashte saj.