Lëvizja Vetëvendosje në Prizren, ka uruar të gjithë besimtarët shqiptarë, dhe të tjerë, të besimit të krishterë, Gëzuar Krishtlindjen!
“ Kemi nevojë për ta kujtuar dhe aktualizuar mësimin dhe projektin universal moral e shoqëror të Krishtit, e më së shumti aty ku padrejtësia është më e madhe”, thuhet në urimin e VV-së në Prizren.
“Krishti e luftoi pa kompromis korruptimin shpirtëror e material të elitave të shtirura dhe pushtetit politik që në emër të popullit e vjedh popullin”.
“Krishti me ndërhyrjen e tij organizative ia prishi hesapet atyre që filluan ta shesin me para edhe besimin, shpirtin dhe parajsën për t’u pasuruar personalisht me pasurinë e njerëzve të varfër”.
“Ai nuk u ndal as kur protektorati ndërkombëtar romak i Pont Pilatit doli në anën e matrapazëve për hir të stabilitetit politik”.
“Krishtit i dha të drejtë Zoti, historia dhe njerëzimi, kurse qelipirxhinjtë përfunduan në librin e turpit”.
“Ta luftosh padrejtësinë kushdo që je dhe kudo që je, me moral e qartësi, me organizim e vendosmëri – kjo është porosia universale e Krishtit”./PrizrenPress.com/