21.3 C
Prizren
E enjte, 18 Shtator, 2025

Xhamia e Madhe e Mosulit do të rindërtohet nga arkitektë egjiptianë

Një grup i arkitektëve egjiptianë fitoi konkursin për të rindërtuar Xhaminë e Madhe të Mosulit al-Nuri, katër vjet pas shkatërrimit të saj nga militantët e grupit Shteti Islamik. Xhihadistët e hodhën në erë xhaminë e shekullit 12 në qershor të vitit 2017, kur forcat qeveritare nisën ofensivën për rikthimin e qytetit.

Tre vjet më herët, udhëheqësi i atëhershëm i Shtetit Islamik, Abu Bakr al-Baghdadi, shpalli “kalifatin” nga Xhamia al-Nuri. Rindërtimi i saj është pjesë e projektit të Kombeve të Bashkuara “Ringjallja e Shpirtit të Mosulit”.

Tetë arkitektë egjiptianë u zgjodhën për rindërtim, në mesin e 123 konkurrentëve.

Rindërtimi i xhamisë “do të jetë një pikë referimi në procesin e avancimit të pajtimit në qytetin e shkatërruar nga lufta”, tha Audrey Azoulay, e cila kryeson agjencinë për kulturë të Kombeve të Bashkuara, UNESCO.

“Salla e faljeve do të duket siç ishte para shkatërrimit, por do të ketë edhe ndryshime të dukshme, përfshirë përdorimin e dritës natyrore dhe hapësirat e zgjeruara për gratë dhe personalitetet”, tha UNESCO përmes një deklarate. Rindërtimi i xhamisë do të nisë këtë vit. Beteja për kontrollin e Mosulit zgjati gati nëntë muaj, duke lënë pjesën më të madhe të qytetit nën rrënoja. Mijëra civilë u vranë dhe më shumë se 900,000 u zhvendosën./REL

Më Shumë

Xheladini premton 500 euro subvencione për gratë me kancer të gjirit, shërbimet gjinekologjike falas

Kryetari i Komunës së Dragashit, Behxhet Xheladini ka prezantuar programin e tij për mandatin e ri për zgjedhjet lokale 2025. Xheladini ka thënë se për...

Prizreni përfiton internet publik falas përmes projektit evropian WiFi4WB

Kryetari i  Prizrenit, Shaqir Totaj, ka bërë të ditur se Komuna e Prizrenit është përzgjedhur për të përfituar nga iniciativa WiFi4WB, që do të...

Lajmet e Fundit