13.8 C
Prizren
E hënë, 29 Maj, 2023

Xhamia e Madhe e Mosulit do të rindërtohet nga arkitektë egjiptianë

Një grup i arkitektëve egjiptianë fitoi konkursin për të rindërtuar Xhaminë e Madhe të Mosulit al-Nuri, katër vjet pas shkatërrimit të saj nga militantët e grupit Shteti Islamik. Xhihadistët e hodhën në erë xhaminë e shekullit 12 në qershor të vitit 2017, kur forcat qeveritare nisën ofensivën për rikthimin e qytetit.

Tre vjet më herët, udhëheqësi i atëhershëm i Shtetit Islamik, Abu Bakr al-Baghdadi, shpalli “kalifatin” nga Xhamia al-Nuri. Rindërtimi i saj është pjesë e projektit të Kombeve të Bashkuara “Ringjallja e Shpirtit të Mosulit”.

Tetë arkitektë egjiptianë u zgjodhën për rindërtim, në mesin e 123 konkurrentëve.

Rindërtimi i xhamisë “do të jetë një pikë referimi në procesin e avancimit të pajtimit në qytetin e shkatërruar nga lufta”, tha Audrey Azoulay, e cila kryeson agjencinë për kulturë të Kombeve të Bashkuara, UNESCO.

“Salla e faljeve do të duket siç ishte para shkatërrimit, por do të ketë edhe ndryshime të dukshme, përfshirë përdorimin e dritës natyrore dhe hapësirat e zgjeruara për gratë dhe personalitetet”, tha UNESCO përmes një deklarate. Rindërtimi i xhamisë do të nisë këtë vit. Beteja për kontrollin e Mosulit zgjati gati nëntë muaj, duke lënë pjesën më të madhe të qytetit nën rrënoja. Mijëra civilë u vranë dhe më shumë se 900,000 u zhvendosën./REL

Më Shumë

Erdogan gati të dalë në balotazh

Presidenti turk, Rexhep Tajip Erdogan, shkon në balotazhin e së dielës me një miratim kyç nga kandidati që përfundoi i treti në zgjedhjet e...

Sulmohet me raketa spitali në Dnipro të Ukrainës, vdesin dy njerëz e plagosen 23 të tjerë

  Të paktën dy persona janë vrarë dhe 23 janë plagosur në një sulm me raketa në një klinikë mjekësore në qytetin lindor të Ukrainës,...

Mona Liza

Lajmet e Fundit