Zlatan Ibrahimovic do të vazhdojë të luajë për Milan-in deri në qershor të vitit 2023.
Suedezi gjatë ditës së hëne e ka rinovuar kontratën me kuqezinjtë, derisa do të jetë futbollist i tyre gati deri në moshën 42 vjeçare (3 tetor i mbush 41 vjet).
Detajet e marrëveshjes së kontratës së re nuk janë zbuluar, por thuhet se Ibra do të përfitojë një pagë prej rreth 1.5 milion, e cila varet edhe nga paraqitjet e tij.
Ai momentalisht është i dëmtuar, derisa pritet të rikthehet në fushë në pjesën e dytë të sezonit.
Kujtojmë që Ibra dha një kontribut në shpalljen e Milan-it kampion të Italisë në sezonin e kaluar.
Edhe pse nuk luajti në shumë ndeshje për shkak të lëndimeve (23 ndeshje në Serie A) 40 vjeçari shënoi tetë gola dhe dha tre asistime.