Rektori i Universitetit të Prishtinës, Ramadan Zejnullahu ka shkëputur marrëveshjen e memorandumit të bashkëpunimit për regjistrim të familjarëve të veteranëve më shoqatat e dala nga lufta.
Në adresë të OVL-së gjatë ditës së premte ka shkuar letra në të cilin thuhet urdhëresa e rektorit për ndërpritje të memorandumit të bashkëpunimit me shoqatat e dala nga lufta.
Shoqatat e dala nga lufta shprehen të indinjuara nga vendimi i rektorit. Ato shpresojnë tek vendimi i Ministrit të Arsimit për pranim me automatizëm në UP të këtyre studentëve. Xhavit Jashari u shpreh se rektori Zejnullahu nuk është mbështetur askund për vendimin e tij.
“Rektori nuk ka vepru në përputhje me shkresën e Ministrit. Ai nuk e ka konsultuar as Këshillin Drejtues e as Senatin e UP-së ndonëse i ishte rekomanduar konsulta nga ministri”, ka thënë Jashari për Indeksonline.
Ai nuk e përjashtoi mundësin e protestave të sërishme në qoftëse synimet e tyre nuk realizohen./Indeksonline/