Athletic Bilbao e ka fituar Kupën e Mbretit, pasi e mposhti Mallorcan në finale, pas gjuajtjeve të penaltive.

Baskët ishin të saktë katër herë kundrejt Mallorcas që qëlloi dy herë saktë në kuadrat.

Përndryshe, Vedat Muriqi ishte i saktë nga penaltia.

Ndeshja filloi me ritëm të lartë me Mallorcan që fillimisht kaloi në epërsi me anë të Daniel Rodriguez në minutën e 21’.  Me këtë rezultat përfundoi pjesa e parë.

Në pjesën e dytë, Baskët e barazuan rezultatin me anë të Sancet, për ta dërguar ndeshjen në vazhdime, dy herë nga 15 minuta. Edhe aty nuk pat fitues dhe fituesi u përcaktua në penalti ku Baskët ishin më të saktë.

Roma ka shënuar fitore me rezultat minimal 1-0 në derbin ndaj Lazios në atë që njihet ndryshe si ‘Derby della Capitale’ në kuadër të javës së 31-të në elitën e futbollit italian.

Të parët rrezikuan mysafirët që patën një mundësi të mirë shënimi me anë të Ciro Immobiles në minutën e shtatë, por gjuajtja e tij shkoi pranë shtyllës.

Roma gjeti golin e epërsisë dhe të fitores pak disa minuta para përfundimit të pjesës së parë, kur Paulo Dybala me një harkim fantastik gjeti kokën e Gianluca Mancinit (42’) i cili shënoi për 1-0.

Në pjesën e dytë Roma pati mundësinë e artë për të dyfishuar epërsinë, por Stephan El Shaarawy (54) u ndal nga shtylla.

Deri në përfundim të ndeshjes nuk pati më ndonjë rast të mirë shënimi për ndonjërën prej ekipeve, dhe Roma mori fitoren e vlefshme në derbin e qytetit.

Me këto tri pikë, Roma gjendet në pozitën e pestë me 55 pikë të grumbulluara, ndërsa Lazio renditet në të shtatën me 46 sosh.

Në mesjavë (të enjten) të besuarit e Daniele De Rossit do të jenë nikoqir të Milanit në ndeshjen e parë çerekfinale në Ligën e Evropës.

Pas Mario Mitajt një tjetër futbollit shqiptar përfundon në radarët e Juventusit. Klubi më i titulluar në Itali po planifikon të ardhmen dhe një ndër lojtarët që ka përfunduar në axhendën e drejtuesve është edhe Edon Zhegrova.

Lajm që merr më tepër vlerë kur raportohet nga një nga mediat më serioze sportive të Europës, Gazzetta Dello Sport. Ylli i përfaqësueses së Kosovës po shkëlqen te Lille, duke u kthyer në një objekt dëshirash për një ndër klubet më të rëndësishëm europian.

Pas një sezoni të vështirë te Juventusi duan të reduktojnë hendekun me Interin që shkon drejt titullit. Dhe drejtori sportiv i Zonjës së Vjetër Cristiano Giuntoli, ka gati projektin ku padyshim emrat janë të shumtë.

Duke nisur nga rinovimi i Chiesës, por edhe merkato që ndihmohet nga fakti se Juventusi do të marrë pjesë në Botërorin e Klubeve për vitin e ardhshëm. Që garanton një shumë të rëndësishme për arkat e klubit.

Ideja e drejtuesve është të ndërtojnë një organikë që të mund të luajë si me sistemin aktual 3-5-2, por edhe 4-3-3 apo 4-2-3-1. Në këtë mënyrë janë disa emrat që po qarkullojnë në merkato. Duke nisur nga Koopmeiners i Atalantës, por edhe Felipe Anderson i Lazios.

Duke qenë se te bardhezinjtë kanë ndër mend të sakrifikojnë si Iling ashtu dhe Kostic, nevojiten lojtarë për krahët e sulmit. Dhe drejtuesit e Juves po ndjekin si Greenwood, i rilindur te Getafe (në pronësi të United) ashtu dhe Edon Zhegrovën.

Talenti dardan ka koleksionuar 11 gola dhe 9 asiste me Lille gjatë këtij sezoni. Transferimi i tij favorizohet edhe nga fakti se Juventusi ka raporte të shkëlqyera me klubin francez prej nga ku vetëm në muajt e fundit ka marrë fillimisht Weah dhe më pas Djalo.

Superliga e Kosovës vazhdon këtë fundjavë me ndeshjet e javës së 28-të, që pritet të jenë tejet interesante.

Malisheva do të jetë nikoqire e Dukagjinit në “Liman Gegaj”.

Malishevasit po luftojnë për një vend që i dërgon në garat evropiane, teksa janë të katërtit në tabelë me 48 pikë, me vetëm tri pikë më pak se Drita, që mban pozitën e tretë.

Në anën tjetër, klinasit janë në vendin e gjashtë me 35 pikë të grumbulluara.

Të dy skuadrat barazuan në xhiron e kaluar. Malisheva ndau pikët me Dritën, kurse Dukagjini me Gjilanin.