Drejtori Ekzekutiv i Spitalit të Përgjithshëm “Prim. Dr. Daut Mustafa” në Prizren, Osman Hajdari, së bashku me anëtarët e Këshillit Drejtues, dje priti në takim një delegacion të Policisë së Kosovës nga Rajoni i Prizrenit, të kryesuar nga Qamil Kroni, Shef i Burimeve Njerëzore të Rajonit të Prizrenit.
Sipas njoftimit, qëllimi i takimit ishte forcimi i bashkëpunimit ndëinstitucional, me theks të veçantë në zbatimin e marrëveshjes së bashkëpunimit të nënshkruar në vitin 2024 ndërmjet Policisë së Kosovës dhe SHSKUK-së.
Drejtori ekzekutiv i spitalit, Osman Hajdari, falënderoi Policinë e Kosovës për bashkëpunimin e vazhdueshëm dhe për kontributin e saj në shërbim të qytetarëve, duke theksuar gatishmërinë e spitalit për të ofruar shërbime shëndetësore sa më cilësore për pjesëtarët e Policisë së Kosovës.
Nga ana tjetër, Shefi i Burimeve Njerëzore të Policisë Rajonale të Prizrenit, Qamil Kroni shprehu mirënjohje për menaxhmentin dhe stafin e spitalit, duke vlerësuar angazhimin dhe profesionalizmin e tyre. Ai ritheksoi rëndësinë e bashkëpunimit dhe koordinimit ndërinstitucional për përmirësimin e shërbimeve ndaj qytetarëve dhe punonjësve të të dy institucioneve.
Ky takim, siç thuhet në njoftim, konfirmon përkushtimin e ndërsjellë për vazhdimin e bashkëpunimit të qëndrueshëm dhe efikas në funksion të ofrimit të shërbimeve sa më të mira dhe sa më cilësore./PrizrenPress.com
Qazim Thaçi, poet dhe gazetar nga Prizreni – qyteti që shpesh quhet “kryeqyteti historik i shqiptarëve” dhe Ambasadot i Çaqes së Kosovës, – është një nga zërat më të përkushtuar të letërsisë bashkëkohore kosovare.
I lindur më 11 prill 1958, ai ka mbi tri dekada përvojë në gazetari, ndërsa krijimtaria e tij letrare përfshin poezi me tematikë të theksuar kombëtare, historike dhe shpirtërore.
Veprimtaria e Thaçit është dëshmi e bashkëveprimit ndërmjet gazetarisë dhe poezisë, realitetit dhe artit, ku fjala shërben njëkohësisht si dokument dhe si këngë. Krijimtaria e tij është vlerësuar në konkurse letrare dhe ka zënë vend të denjë në letërsinë bashkëkohore shqiptare, me një vizion që mbështetet në katër shtylla: kujtesën, lirinë, sakrificën dhe vazhdimësinë.
Kushtetuta e gjakut dhe rrënjët e lirisë
(Analizë mbi poezinë “Ajkë e Mjaltë” nga Qazim Thaçi)
Poezia “Ajkë e Mjaltë” e poetit Qazim Thaçi është një himn i fuqishëm për figurën e Ukshin Hotit dhe përmes tij, për të gjithë ata që u flijuan në emër të lirisë dhe të drejtës. Në qendër të saj qëndron ideja e sakrificës që nuk shuhet me kohën, por mbetet e gjallë në kujtesën e një kombi që nuk përkulet.
Autori përshkruan dhembjen si një ndjenjë e përhershme që nuk njeh kufij kohorë – ajo “frymon në katër udhë të motit”, duke e bërë të qartë se lufta për liri është një proces i pandërprerë, i ngulitur thellë në shpirtin kombëtar.
Një nga figurat më të spikatura është “zëri i lirisë, si këmbanë në mjegull”, që përçon idenë se edhe në kohët më të errëta, liria ka zërin e saj, një zë që ngjall shpresë dhe vetëdije. Po kështu, imazhi i “rrënjëve që pinë gjak të shenjtë” bart në vete një simbolikë të thellë të flijimit që e ushqen identitetin kombëtar — një ushqim i dhimbshëm, por i domosdoshëm për qëndrueshmërinë e përkatësisë.
Ndër simbolet qendrore është Kushtetuta e Ukshin Hotit, që përshkruhet si “gur themel”, duke e ngritur jo vetëm si një dokument juridik, por si simbol të qëndrueshmërisë, parimit dhe drejtësisë në themelet e shtetit shqiptar.
Ja si shprehet autori:
Zëri i lirisë, si këmbanë në mjegull,
mat dhembjen me fije drite,
si kumt që zgjon rrënjët e gurit nën hijen e maleve të pashtershme.
Anekënd fushave bie dushku,
edhe para se vjeshta të marrë frymë,
si dëshmi se dhembja s’ka stinë
ajo frymon në katër udhë të motit,
në katër frymë të njeriut që s’përkulet.
Gjuha e poezisë është e pasur me metafora dhe imazhe të fuqishme që ndërthurin natyrën me historinë, duke krijuar një gjuhë poetike të ngarkuar me emocione dhe vlera shpirtërore. Figura si “kënga që rritet në legjendë” dhe “kafkat e legjendave që flasin me gjuhën e artë të sakrificës” i japin dimension epik veprës, duke ngritur kujtimin mbi një piedestal të përjetësisë.
Në përfundim, kjo poezi nuk është vetëm një përkujtim, por një thirrje e heshtur që zgjat nga e kaluara në të ardhmen. Ajo kujton se liria është e shenjtë, por asnjëherë e dhuruar — ajo fitohet dhe ruhet me rrënjë të thella në dhembje, në qëndresë dhe në gjakun e atyre që s’u përkulën.
Lidhja personale me Kosovën
Poezia e Thaçit më lidhi fort edhe me rrënjët e mia. Që fëmijë kam ëndërruar për pavarësinë e Kosovës. Që nga vitet 1981 kam shkruar tregime dhe poezi kushtuar Kosovës dhe figurave të saj – nga Adem Jashari, komandanti legjendar, te Afrim Bonjaku, heroi i rënë në Mitrovicë kundër terrorit serb. Në kërkimin e rrënjëve të fisit tim, Basha, kam zbuluar përputhjen e gjakut tim me tokën e Kosovës, sidomos me Drenicën, e fshatra të tjera, ku jetojnë mbi 80 familje me këtë mbiemër. Kjo e bën lidhjen time me Kosovën jo vetëm një dashuri shpirtërore, por një identitet të trashëguar.
Reflektim – Liria dhe sakrifica
Në poezinë e Qazim Thaçit, fjala e thënë nuk është vetëm mall, por edhe dëshmi e gjakut të derdhur. Sot, 27 vjet pas luftës, është e lehtë të flitet për lirinë, sepse gjuha shpesh bëhet prej tulit. Por liria e Kosovës nuk do të vinte pa vizionin dhe sakrificën e strategëve të UÇK-së.
Ata që guxuan t’i kthenin pushkën Serbisë – Hashim Thaçi, Kadri Veseli, Ramush Haradinaj, Fatmir Limaj, Xhavit Haliti, Sami Lushtaku e dhjetëra të tjerë në krye me Adem Jasharin, Zija Bajazitin – ishin ata që hapën rrugën për ndërhyrjen e NATO-s, një rast i rrallë në historinë e botës moderne.
Kush e fyen sot lirinë, harron gjakun e dëshmorëve. Dhe kjo është plagë e re, mbi plagët e vjetra. Ka nga ata që thonë se komandantët përfituan nga lufta. Por historia ka vetëm një pyetje: a do të kishim shtet pa pushkën e tyre? Përgjigjen e dinë më mirë se kushdo nënat e dëshmorëve. Lotët e tyre janë të dyfishtë – për bijtë që ranë në altarin e lirisë dhe për komandantët që sot mbahen në Hagë. Ata nuk janë atje për korrupsion, por sepse sollën lirinë që ne sot ta kemi fjalën të lirë.
Poezia si kujtesë dhe amanet
Kosova është si fusha e grurit – edhe kur del ndonjë rrënjë e egër, korrja mbetet bereqet, sepse sjell bukën e jetës. Njësoj është edhe me UÇK-në dhe strategët e saj: ata, bashkë me gjakun e dëshmorëve, u bënë buka, drita dhe fryma jonë. Prandaj, poezia e Qazim Thaçit nuk është vetëm art, por edhe një kujtesë: se liria nuk është dhuratë, por amanet. Një dëshmi që ruan mallin dhe dhimbjen, por edhe krenarinë e një kombi që jeton me rrënjë të thella në historinë e tij.
Me kthimin në kohën e dimrit, dielli do të lindë dhe do të perëndojë më herët.
Gjithashtu, ditët do të kenë më pak dritë në orët e pasdites.
Në fakt, ora dimërore i referohet kohës standarde që përdoret gjatë pjesës më të madhe të vitit.
Nga ana tjetër, ora verore u prezantua për të shfrytëzuar më mirë dritën e ditës, veçanërisht në orët e mbrëmjes, duke i zhvendosur akrepat e orës një orë përpara në fund të marsit.
Ideja e zhvendosjes së orëve prapa daton që nga shekulli i 18-të, kur u propozua nga Benjamin Franklin, por vetëm në shekullin e 20-të u përdor gjerësisht, veçanërisht gjatë luftërave botërore dhe krizës energjetike të viteve 1970.
Qëllimi kryesor ishte kursimi i energjisë, por me zhvillimin e teknologjisë dhe ndryshimet në stilin e jetës, përfitimet u bënë çështje debati.
Edhe pse ndryshimi i orës mund të duket si një ndryshim i vogël, shumë ekspertë paralajmërojnë se ai mund të ndikojë në orën e brendshme biologjike të një personi.
Në ditët pas ndryshimit të orës, disa njerëz mund të përjetojnë lodhje, ulje të përqendrimit dhe shqetësime të gjumit.
Bashkimi Evropian ka diskutuar për heqjen e ndryshimeve sezonale të orës për vite me radhë.
Në vitin 2019, Parlamenti Evropian votoi për një propozim për heqjen e ndryshimit të detyrueshëm të orës, por vendimi ende nuk ka hyrë në fuqi sepse shtetet anëtare nuk kanë arritur një konsensus nëse do të qëndrojnë përgjithmonë në orën verore apo dimërore.
Kryetari i Aleancës për Ardhmërinë e Kosovës në Prizren, Besnik Krasniqi, tregon se deri në nuk ka asnjë marrëveshje koalicioni me ndonjë subjekt politik që është pjesë e garës zgjedhore në raundin e balotazhit.
“Sapo të ketë diçka konkrete, qytetarët dhe mediat do të njoftohen me kohë dhe transparencë të plotë”, shkruan ai.
“AAK Prizren mbetet e përkushtuar për një Prizren të zhvilluar, të drejtë dhe ndryshe, duke lënë të hapur mundësinë për vendime të ardhshme në përputhje me interesin qytetar”.
Aktori i famshëm Callum Turner ka folur hapur për marrëdhënien e tij në distancë me të fejuarën e tij, yllin botëror të muzikës, Dua Lipa.
Ndërsa aktori 35-vjeçar po xhironte së fundmi një film të ri në New York, këngëtarja 30-vjeçare sapo ka përfunduar turneun e saj në Amerikën e Veriut “Radical Optimism” dhe së shpejti do të shkojë në Amerikën e Jugut, shkruan Insajderi.
Në një intervistë të re, Callum theksoi rëndësinë e përkushtimit dhe kohës për njëri-tjetrin, pavarësisht nga axhendat e ngjeshura dhe distanca. Ai zbuloi edhe replikën që nisi gjithçka mes tyre.
“Epo, FaceTime është një gjë e mrekullueshme. Dhe rregulli i dytë është se nuk ia vlen kurrë të mos shkosh, kjo është motoja jonë,” tha ai për The Sunday Times. “Nëse mund të shkosh për dy ditë, thjesht shko. Dhe nëse je i lodhur, nuk ka rëndësi sepse do të kalosh kohë të mrekullueshme dhe do të kesh një kujtesë të shkëlqyer. Sapo fluturova për në Boston për dy ditë dhe isha i rraskapitur, por kaluam shumë mirë.”
Ai kujtoi gjithashtu një darkë të veçantë: “Shkuam në një restorant të mrekullueshëm, Neptun ose diçka të tillë – gjithmonë harroj emrat e vendeve. Falënderoj Zotin për të sepse ajo kujton gjithçka. Prit pak, do t’i shkruaj një mesazh dhe do ta pyes,” vazhdoi Callum. “Ishte një nga restorantet më të mira që kam qenë ndonjëherë në jetën time dhe isha atje me të, kështu që jam i lumtur që shkova.”
Aktori britanik zbuloi edhe detajet e takimit të tyre të parë, që tingëllon si një skenë nga një film romantik.
“Ishim ulur pranë njëri-tjetrit dhe kuptuam se po lexonim të njëjtin libër, gjë që është çmenduri. Titullohet Besimi, nga Hernán Díaz, dhe unë sapo kisha mbaruar kapitullin e parë, ia thashë këtë, dhe ajo më shikoi dhe tha: ‘Sapo e mbarova edhe kapitullin e parë’. Unë i thashë: ‘Pra, jemi në të njëjtën faqe,’” tha ai me një buzëqeshje.
Bekim Fehmiu ose më qartë aktori i madh i “Odisesë” në rolin e Uliksit në krah të Irene Papas, njohur nga shqiptarët më vonë si një hero kinematografie, ka vizituar Shqipërinë në vitin 1972.
I veshur me një xhaketë lëkure, me pamje moderne, i qeshur, ai dukej shumë më i qetë se kolegët e tij shqiptarë, brenda kostumeve të kollarisura, që e puthnin fort në të dyja faqet.
Gjatë vizitës aktori i madh Bekim Fehmiu, i cili kishte prekur majat e kinematografisë botërore,
zhvilloi takime me artistë e drejtues të lartë. Veç Gjirokastrës, gjatë vizitave të tij në Krujë, Durrës, Butrint, Shkodër, ai shoqërohej nga Piro Milkani, Dhimitër e Roza Anagnosti, Serafin Fanku, Edi Luarase, Dhimitër Shuteriqi, Ndrek Luca, Ismail Kadare dhe artistë e njerës të tjerë të shquar të artit./liberale/Vizita e Bekim Fehmiut në muzeun e Luftës, ish-shtëpia e lindjes së Enver Hoxhës, viti 1972
Bekim Fehmiu, aktori i famshëm me origjinë shqiptare, Bernard Kokalari dhe Margo Erseni, gjatë vizitës në Gjirokastër, viti 1972
Aktori i madh me famë botërore nga Kosova, Bekim Fehmiu vizitoi Shqipërinë, e izoluar në atë kohë, në një vizitë historike.
Fotoja është shkëputur nga vizita e tij në Muzeun e Luftës Nacionalçlirimtare, ish Qarku Gjirokastër, (Shtëpia e lindjes së Enver Hoxhës).
Bekim Fehmiu ose më qartë aktori i madh i “Odisesë” në rolin e Uliksit në krah të Irene Papas, njohur nga shqiptarët më vonë si një hero kinematografie, ka vizituar Shqipërinë në vitin 1972.
I veshur me një xhaketë lëkure, me pamje moderne, i qeshur, ai dukej shumë më i qetë se kolegët e tij shqiptarë, brenda kostumeve të kollarisura, që e puthnin fort në të dyja faqet.
Gjatë vizitës aktori i madh Bekim Fehmiu, i cili kishte prekur majat e kinematografisë botërore, zhvilloi takime me artistë e drejtues të lartë. Veç Gjirokastrës, gjatë vizitave të tij në Krujë, Durrës, Butrint, Shkodër, ai shoqërohej nga Piro Milkani, Dhimitër e Roza Anagnosti, Serafin Fanku, Edi Luarase, Dhimitër Shuteriqi, Ndrek Luca, Ismail Kadare dhe artistë e njerës të tjerë të shquar të artit./liberale/KultPlus.com
Kryetari aktual i Rahovecit, Smajl Latifi, ka bërë me dije se puna intensive për ndërtimin e rrugës Rahovec – Xërxë me katër korsi, nuk ndalet.
“Infrastruktura moderne i jep shans ekonomisë sonë për zhvillim dhe zgjerim, por edhe qytetarëve tanë, për lëvizje më të lehtë e të papenguar”, ka shkruar Latifi në “Facebook”.
Dogana e Kosovës ka zhvilluar disa aksione kontrolli gjatë fundjavës së kaluar në Pikën Kufitare Vërmicë–Morinë, ku janë sekuestruar mallra të padeklaruara, substanca narkotike dhe municion. Operacionet janë realizuar në bashkëpunim me Policinë e Kosovës dhe njësitë hetimore përkatëse.
Sipas njoftimit, në një nga rastet, zyrtarët doganorë dhe policorë kanë ndaluar një udhëtar shtetas të huaj, tek i cili është gjetur 11.1 gramë substancë e dyshuar narkotike, e fshehur në xhaketë. Me urdhër të Prokurorisë kompetente, personi është ndaluar për 48 orë, ndërsa në kontroll kanë asistuar njësia K9 dhe hetuesit doganorë, raporton PrizrenPress.
Në një rast tjetër, gjatë kontrollit të një automjeti në hyrje të Kosovës, janë zbuluar rreth 100 palë këpucë të padeklaruara, për të cilat udhëtari nuk posedonte dokumentacion përkatës. Dogana ka njoftuar se për këtë rast është iniciuar procedurë kundërvajtëse, ndërsa mallrat janë ndaluar përkohësisht deri në përfundimin e procedurave ligjore.
Ndërkohë, gjatë një kontrolli tjetër në vijën e dytë të kufirit, është zbuluar një kuti e fshehur nën gomën rezervë të një automjeti, e cila përmbante 50 fishekë të kalibrit 9 mm, si dhe një cigare të mbushur me substancë të dyshuar marihuanë (0.58 gramë). Municioni dhe substanca janë konfiskuar, ndërsa rasti është proceduar për hetime të mëtejshme nga autoritetet kompetente.
Dogana e Kosovës ka theksuar se do të vazhdojë me përkushtim kontrollet në të gjitha pikat kufitare të Republikës së Kosovës, me qëllim të parandalimit të kontrabandës, trafikimit dhe çdo aktiviteti të paligjshëm që cenon sigurinë ekonomike dhe publike të vendit./PrizrenPress.com
Kitaristi legjendar, Eric Clapton ka njoftuar se do të performojë në tre koncerte në Gjermani.
Turneu do të nisë në Manheim më 13 maj, duke vazhduar në Këln më 15 maj dhe Mynih më 17 maj.
Clapton, i cili mbush 81 vjeç më 30 mars të vitit të ardhshëm, fitoi famë ndërkombëtare me këngët si “Tears in Heaven”, “Layla” dhe “Cocaine”, dhe konsiderohet një nga kitaristët më me ndikim në botë.
Ai ka shitur rreth 280 milionë albume dhe është futur në “Rock and Roll Hall of Fame”, tri herë – më shumë se çdo muzikant tjetër.
Clapton u bë i famshëm – për herë të parë me grupin anglez të Rock-ut, “The Yardbirds” në mesin e viteve 1960, duke fituar reputacionin e tij si një kitarist i jashtëzakonshëm me John Mayall & the Bluesbreakers.
Që atëherë ai ka bërë 22 albume studio si solist dhe ka luajtur shfaqje të panumërta live.
“MTV Unplugged” ne vitin 1992 shihet si një moment historik i albumit live me shitjet më të mëdha në historinë e muzikës, me 26 milionë kopje të shitura.
Në vitin 2013, Clapton u diagnostikua me neuropati periferike, e cila shkakton dhimbje në gjymtyrë.
Sëmundja i ka shkaktuar vështirësi për të luajtur në kitarë, por ai do të vazhdojë të performojë në publik, duke bërë turne në Evropë këtë vit./KultPlus.com
