Në lagjen “Ortakoll” të Prizrenit është hapur një folezë e re për edukimin dhe argëtimin e fëmijëve, në kuadër të përpjekjeve për zgjerimin e hapësirave të edukimit të hershëm.

Drejtoresha e Drejtorisë Komunale të Arsimit në Prizren, Luljeta Veselaj Gutaj, ka bërë të ditur se kjo hapësirë synon të krijojë kushte më të mira për zhvillimin dhe mirëqenien e fëmijëve.

“Sot me shumë gëzim dhe krenari hapëm dyert e folezës së re të edukimit dhe argëtimit për fëmijët në lagjen e Ortakollit. Çdo ditë po kujdesemi për të krijuar hapësira të reja, ku fëmijët tanë do të rriten, mësojnë dhe luajnë me dashuri, kujdes dhe përkushtim”, ka njoftuar ajo.

Sipas saj, krijimi i hapësirave të tilla mbetet një nga prioritetet kryesore për avancimin e edukimit cilësor që në moshë të hershme./PrizrenPress.com/

Aksioni për pastrimin e ambientit “Për Malishevën e pastër” ka vazhduar edhe sot në Komunën e Malishevës, me synimin jo vetëm për largimin e mbeturinave nga hapësirat publike, por edhe për rritjen e vetëdijes së qytetarëve për rëndësinë e ruajtjes së mjedisit.

Aktiviteti i sotëm është zhvilluar në Këshillin Lokal Shkozë–Janqist, ku kanë marrë pjesë nënkryetari i Komunës së Malishevës, Vesel Krasniqi, drejtorë të drejtorive komunale, qytetarë të fshatit Shkozë, si dhe nxënësit e shkollës së bashku me stafin arsimor.

Sipas njoftimit të komunës, në fillim të aktivitetit, nënkryetari Krasniqi mbajti një ligjëratë për nxënësit, ku foli për rëndësinë e ruajtjes së ambientit dhe për rolin që ka secili qytetar në mbrojtjen e natyrës.

“Ai theksoi se muaji prill është shpallur Muaj i Ambientit nga kryetari i Komunës së Malishevës, Ekrem Kastrati, dhe se gjatë këtij muaji po organizohen aktivitete të shumta për pastrimin e hapësirave publike dhe ndërgjegjësimin e qytetarëve”, thuhet në njoftim.

Gjatë aksionit janë pastruar zona të ndryshme të fshatit, ndërsa mbeturinat e grumbulluara janë larguar në vendet e përcaktuara për deponim. Po ashtu, paralelisht po vazhdon edhe largimi i mbeturinave inerte nga deponitë ilegale, me qëllim parandalimin e ndotjes së mjedisit dhe përmirësimin e hapësirave publike.

“Aksioni ‘Për Malishevën e pastër’ do të vazhdojë edhe në vendbanime të tjera të komunës, me qëllim që përmes bashkëpunimit mes institucioneve, shkollave dhe qytetarëve të krijohet një ambient më i pastër dhe më i shëndetshëm për të gjithë” thuhet në njoftim./PrizrenPress.com/

Marketing

Realizoni projektet tuaja me BiCredit, partneri juaj i besueshëm financiar në Prizren!

Zbuloni materialet më të mira të tekstilit luksoz – Vizitoni pikat e Fa&Be Tex në Prizren!

Shiten banesa moderne në lagjen “Tranzit i Ri” të Prizrenit – mundësi pagese me këste

Shitet banesa në lagjen “Dardania” të Prizrenit

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Bashkëpunimi i qytetarëve me Drejtorinë e Inspektoratit në Komunën e Malishevës ka shënuar rritje të dukshme, pas thirrjes publike për parandalimin e hedhjes së mbeturinave në hapësira publike.

Sipas njoftimit, pas publikimit të kësaj thirrjeje janë pranuar një numër i konsiderueshëm raportimesh nga qytetarët, të cilët kanë denoncuar raste të hedhjes së mbeturinave në vende të papërshtatshme.

“Pas publikimit të njoftimit janë pranuar një numër i konsiderueshëm informacionesh nga qytetarët, të cilët kanë raportuar raste të hedhjes së mbeturinave në vende të papërshtatshme”, thuhet në njoftimin e Drejtorisë së Inspektoratit, raporton PrizrenPress.

Sipas të njëjtit burim, raportimet janë shoqëruar edhe me dëshmi konkrete, përfshirë fotografi të personave që kanë vepruar në kundërshtim me rregullat e përcaktuara.

Autoritetet komunale bëjnë të ditur se ndaj çdo personi për të cilin ekzistojnë dëshmi për shkelje të vendimeve të Kuvendit Komunal po shqiptohen masa ndëshkuese në përputhje me legjislacionin në fuqi.

Drejtoria e Inspektoratit vlerëson se bashkëpunimi i qytetarëve po ndikon drejtpërdrejt në përmirësimin e gjendjes së pastërtisë në komunë, ndërsa Komuna e Malishevës ka falënderuar qytetarët për kontributin e tyre.

“Komuna e Malishevës falënderon të gjithë qytetarët që po japin kontributin e tyre për ruajtjen e një mjedisi më të pastër dhe më të rregullt për të gjithë”, thuhet më tej në njoftim./PrizrenPress.com/

https://prizrenpress.com/421746-2h/