Ministri i Ministrisë së Mjedisit dhe Planifikimit Hapësinor Dardan Gashi, ka arsyetuar vendimin që ka marrë për të paditur ish-kryetarin e Prizrenit, Eqrem Kryeziun. Ai thotë se Kryeziu duke shfrytëzuar të drejtën e pozitës që ka pasur i ka miratuar vetës leje për ndërtimin e shtëpisë në Prevallë.

“Nëse e shihni objektin e z. Kryeziu në Prevallë – krejt shtëpitë tjera hahen diqysh me sy – shtëpia e tij është sikur njëfarë autobusi i kthyer anash, komplet në kundërshtim me planet që vetë i kanë miratuar në Kuvendin Komunal të Prizrenit”, ka thënë Gashi për Express.

“Në rend të parë, ky e ka nxjerr një leje që nuk përputhet me Planin Rregullativ dhe krejt vendimet që i ka marrë Kuvendi Komunal i Prizrenit”
“Duke qenë Kryetar ia ka miratuar vetës lejen. Tash, teknikisht leje ka, por mënyra se si ka ardhur deri te ajo leje është vepër penale”.

“Në Prevallë ka pasur një ide mes Ministrisë së Mjedisit dhe Komunës së Prizrenit, gjatë viteve 2006, 2007, 2008, që aty të krijohet një qendër turistike dhe të ndërtohen tri lloje shtëpish, me material të caktuar, me dizajn të caktuar dhe me parametra të caktuara. Asnjë gjë prej këtyre nuk ka ndodhur. Do të thotë, materiali që ka pasur nevojë nuk është përdorë, dizajni që është përzgjedh është tejkaluar kryesisht prej njerëzve vendimmarrës siç është Kryetari i Komunës. Ai nuk ka mundur t’ua prish të tjerëve objektet kur vet ka ndërtuar një objekt që absolutisht nuk është i paraparë të ndërtohet aty”.

Gashi thotë se javën që vjen janë edhe 45 objekte që do të rrënohen në Prevallë.

“ Dhe, faza e fundit mbetet këto që kanë leje, por që kanë tejkalime, dhe ne dje i kemi deponuar padi penale ndaj ish-Kryetarit të Prizrenit dhe tre vartësve të tij”.

Kryetarja e NDS-s, Emilia Rexhepi, është e bindur se brenda dhjetë ditësh do të zgjidhet çështja e nënkryetarit të komuniteteve në komunën e Prizrenit. Ajo shprehet e sigurt se ky post do t’i takojë partisë së që e drejton. “Brenda 10 ditësh do të zgjidhet edhe kjo çështje”, tha Rexhepi,transmeton TVPZ.

Ajo ditë më parë ka marrë vendim që të jap dorëheqje nga pozita e deputetes në Parlamentin e Kosovës.

Synim kryesor i saj aktualisht është që të bëhet nënkryetare e Komunës së Prizrenit.

Rexhepi, e cila në zgjedhjet e fundit ka fituar vota për t’u bërë deputete në Parlamentin e Kosovës, tha se partia e saj nuk do të lejoj që postin e nënkryetarit në Komunën e Prizrenit, t’i jepet KDTP-së.

“Me asnjë kusht nuk do të lejoj që posti i nënkryetarit për komunitete në KK të Prizrenit t’i jepet partnerit të koalicionit KDTP”. Ajo ka thënë se për këtë qëndrim është njoftuar edhe lideri i PDK-së,Hashim Thaçi dhe kryetari i partisë turke KDTP,Mahir Jagxhillar.

Rexhepi shprehet e bindur se Brenda këtyre ditëve do të ushtrojë pozitën e nënkryetarës së Komunës së Prizrenit.

Partitë e komuniteteve të përfaqësuara në Kuvendin e Komunës së Prizrenit janë duke zhvilluar betejë të ashpër për të siguruar postin e nënkryetarit për komunitete.

Përfaqësuesit e KDTP-së, VAKAT-it dhe NDS-s, thonë kjo pozitë u takon partive të tyre në bazë të marrëveshjeve të koalicionit parazgjedhore me PDK-në.Kryetarja e NDS-it, Emilija Rexhepi ka theksuar se ky subjekt boshnjak në bashkëpunim me KTAP-në turke synon të marrë postin e nënkryetarit për komunitete meqë për këtë ekziston një marrëveshje me kryeministrin Hashim Thaçin dhe Degën e PDK-së në Prizren/PrizrenPress.com/

Ministri i Jashtëm i Emirateve të Bashkuara Arabe, Abdullah bin Zayed Al Nahyan tha sot në Prishtinë se nuk është në interes të asnjë shteti që shtetasit e saj të luftojnë në ndonjë konflikt të huaj.

Duke iu referuar luftës në Siri dhe shkuarjes së shumë luftëtarëve të huaj atje, Al Nahyan tha se kjo gjë ka vështirësuar më shumë gjendjen atje.

“Ne nuk e shohim të arsyeshme për Sirinë që të ketë atje çfarëdo luftëtari të huaj. Nuk ka dyshim se ajo që po ndodh në Siri është katastrofë dhe barrën për këtë e ka regjimi sirian”.

“Por shkuarja e luftëtarëve të huaj në Siri, fatkeqësisht e ka vështirësuar gjendjen atje dhe gjithashtu ka edhe shumë shembuj të tjerë ku kemi parë shumë luftëtarë të huaj që luftojnë në vende të tjera dhe kur janë kthyer në vendet e tyre kjo ka shkaktuar probleme të tjera”.

“Sigurisht që nuk është në interesin e çfarëdo shteti që t’i lejojë shtetasit e vet të luftojnë në vendet e huaja”.

Homologu i tij kosovar, Ministri Enver Hoxhaj tha se ai ka vendosur që Kosova të hap Ambasadë në Emiratet e Bashkuara Arabe. Ai tha se sot Qeveria e Kosovës ka nënshkruar marrëveshje bashkëpunimi në fushën e aviacionit e cila do të ndërkombëtarizojë më shumë Aeroportin Ndërkombëtar të Prishtinës.

“Kemi biseduar bashkë se si mund të kemi bashkëpunim të ngushtë ekonomik dhe më lejoni të ju informojë se është biseduar për atë se si të ketë mbështetje nga ana e Emirateve të Bashkuara Arabe sa i takon Fondit për Zhvillim dhe Punësim, një iniciativë që e ka marr Kryeministri. Për projektet në sektorin e bujqësisë, turizmit, energjetikës, transportit dhe hekurudhave”.

“Kjo ditë është e veçantë meqë Republika e Kosovës ka vendosur të hap Ambasadë në Emiratet e Bashkuara Arabe”.

“Sa i takon marrëveshjes, është një qëllim i joni që Aeroporti ndërkombëtar i Prishtinës, ky aeroport të ndërkombëtarizohet dhe ne jemi shumë mirënjohës me Emiratet e Bashkuara Arabe me të cilët nënshkruajmë një marrëveshje të tillë e cila ka për qëllim që ta ndërkombëtarizojë aeroportin”.

Ndërkaq, sheiku Abdullah bin Zayed Al Nahyan tha se shteti i tij, me anë të një sërë marrëveshjesh me Kosovën ka për qëllim që ta mbështesë këtë të fundit.

Ai përmendi edhe mbajtjen e një forumi të investimeve, nga e cila Kosova do të përfitonte.

“ Jemi shumë të hapur për investimet për turizëm dhe për këtë qëllim, dhe jemi pajtuar me Qeverinë e Kosovës për mbajtjen e një forumi për investime, një formun ekonomik që do të mbahet në Emirate dhe besojmë që do të mbahet në pjesën e parë të këtij viti”.

“Nuk ka dyshim që Emiratet e Bashkuara Arabe kanë bërë përpjekjet për stabilitetin e këtij vendi dhe gjithashtu që të punojmë në njohjen e sa më shumë shteteve për Kosovën.

Sot, kam pasur nderin që në emër të Qeverisë së EBA të nënshkruaj marrëveshjen e qiellit të hapur midis dy vendeve. Jemi në negociata me Qeverinë e Kosovës për të nënshkruar marrëveshje të tjera që e para është për investime dhe e dyta ka të bëj me eliminimin e tatimit të dyfishtë dhe evazionit fiskal”,transmeton Lajmi.net

Ministri Abdullah Bin Zayed Al Nahyan gjatë vizitës sot në Prishtinë është takuar edhe me Kryeministrin Hashim Thaçi dhe me Presidenten e vendit Atifete Jahjaga. Kjo është vizita e dytë e tij në Kosovë. Ai kishte vizituar Prishtinën edhe para shpalljes së pavarësisë.