Van dave Harmon është futbollisti më i ri i Ballkanit. Ka qenë vetë klubi suharekas që e ka prezantuar të shtunën.
“Kemi kënaqësinë të ju njoftojmë se sulmuesi Van Dave Harmon është zyrtarisht pjesë e skuadrës tonë. Sulmuesi 27-vjeçar ka firmosur kontratën me skuadrën tonë deri në verën e vitit 2024 duke u bërë në këtë mënyrë përforcimi më i ri i skuadrës sonë. Klubi i Ballkanit i uron mirëseardhje Harmon dhe shumë suksese me fanellën e klubit tonë”, ka njoftuar kampioni aktual.
Futbollisti është pjesë e Kombëtares së Liberisë, ndërsa ai ka luajtur edhe me Laçin në Shqipëri.