4.8 C
Prizren
E martë, 31 Janar, 2023

Hajnat vjedhin mbi 15 mijë euro, stoli të arit e armë në Rahovec

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri. Përveç të hollave, hajnat shpesh ia mësyjnë edhe gjësendeve me vlerë,  që nuk zgjedhin formë e as metodë për t’i kapur. Kështu ka ndodhur së fundmi në një shtëpi në Rahovec, raporton Gazeta Sinjali.

Këtë herë, hajnat arritën që të depërtojnë me forcë brenda një shtëpie në rrugën “UÇK”, ku vodhën mijëra euro para të gatshme, armë e stoli të arit.

Burimet nga Prokuroria kanë bërë të ditur për Sinjalin se rasti u denoncua në Polici nga pronari i shtëpisë, i cili gjatë ditës së djeshme raportoi se shtëpia e tij ishte cak i vjedhjes. Bazuar në dëshminë e tij të dhënë para hetuesve policorë kuptohet se hajnat kanë vjedhur mbi 15 mijë euro cash, armën e tij me leje dhe stoli ari.

 

 

Si rezultat i denoncimit, njësitë policore kanë dalë në vendin e ngjarjes ku kanë kryer ekzaminimet e nevojshme që ndihmojnë në zbardhjen e rrethanave të rastit dhe në identifikimin e personave të dyshuar.

Me urdhër të prokurorit, rasti është iniciuar ‘Vjedhje e rëndë’, ndërsa veprimet tjera ligjore do merren posa të kapen të dyshuarit.

Më Shumë

24 vjet nga masakra e kryer nga forcat serbe në Rogovë të Hasit

Sot u bënë 24 vjet nga masakra që është kryer nga forcat serbe në fshatin Rogovë të Hasit, ku ranë në pritë luftëtarë të...

Zidane mund të kthehet në Real Madrid në të ardhmen

Legjenda franceze e futbollit, Zinedine Zidane, mund të kthehet sërish në Real Madrid. Sipas The Athletic, ai është favorit për ta marrë drejtimin e klubit...

Lajmet e Fundit