16.8 C
Prizren
E premte, 12 Prill, 2024

Diaspora nuk e harron Kosovën

Vetëm gjatë muajit shkurt, Kosova ka pranuar 84.3 milionë euro remitenca nga diaspora. Parashikimet e Bankës Qendrore janë që gjatë këtij viti të ketë rritje të remitencave për 6.7%.

 

Njohësit e ekonomisë thonë se qeveria duhet të hartojë politika zhvillimore, në mënyrë që dërgesat të mos shkojnë vetëm në konsum.

Në kohën kur qytetarët po përballen me ngritje të çmimeve, ndihmat financiare nga mërgimtarët po vlerësohen si shumë të domosdoshme.

Vetëm në shkurt të këtij viti sipas të dhënave të Bankës Qendrore të Kosovës, vendi ka pranuar 84.3 milionë euro remitenca.

Derisa sipas BQK-së, parashikimet janë që gjatë këtij viti të ketë rritje të remitencave për 6,7 %, e që i bie 7 % më shumë se vitin e kaluar, e 11% më pak se gjatë 2021-tës, raporton RTKlive.

“Remitencat gjatë vitit 2022 shënuan rritje prej 6.0% (17.7% rritje në 2021). Ky ngadalësim mund të jetë si rezultat i rritjes së ngadalësuar të aktivitetit ekonomik në Eurozonë, si dhe rritjes së inflacionit në vendet dërguese. Vlerësimet preliminare sugjerojnë për një rritje të remitencave prej 18.9% në janar 2023, përderisa parashikimet e BQK-së sugjerojnë rritje prej 6.7% për vitin 2023”, njofton BQK.

Njohës të ekonomisë thonë se remitencat janë ndër faktorët kryesor të mbijetesës së qytetarëve, duke u bazuar në papunësinë e lartë në vend.

Andaj, sipas tyre, qeveria duhet të hartojë politika zhvillimore që të njëjtat të mos shkojnë vetëm në konsum.

Sipas kryetarit të Aleancës Kosovare të Bizneseve, Agim Shahini, qeveria duhet të krijojë lehtësira për mërgimtarët në mënyrë që ata të mund të investojnë më shumë në Kosovë.

Me vite të tëra, diaspora përmes rritjes së remitencave ka luajtur një rol të rëndësishëm në ekonominë e vendit./rtklive

Më Shumë

S`ka rroga, ndërrimi i parë i punëtorëve të `Trepçës` bojkoton punën

Ndërrimi i parë i punëtorëve në Trepçë nuk kanë punuar sot për shkak se ende nuk i kanë marrë pagat e plota, njofton RTKlive. Disa...

Arrestohet edhe personi i tretë për një vjedhje në Suharekë, sekuestrohen qindra bizhuteri, një armë e një veturë

Policia e Kosovës, përkatësisht njësiti i hetimeve të stacionit policor në Suharekë ka arritur që ta arrestojë edhe të dyshuarin e tretë për veprën...

Lajmet e Fundit