Lëvizja Vetëvendosje (LVV) thotë se premtimi i kryetarit të Komunës së Prizrenit, Shaqir Totaj, për ndërtimin e nënkalimit dhe parkingut nëntokësor në lagjen “Bazhdarhane” ka mbetur i papërmbushur.
“Ky premtim ishte pjesë e fushatës zgjedhore dhe ishte pritur të ofronte një zgjidhje për problemet e trafikut dhe parkimit në atë zonë”, thuhet në reagimin e LVV-së në Prizren.
“Megjithatë, me përfundimin e mandatit të tij, ky projekt nuk ka avancuar dhe nuk ka pasur asnjë përpjekje konkrete për realizimin e tij. Kjo situatë i ka shtuar shqetësimet e qytetarëve për dështimin në përmbushjen e premtimeve të bëra nga kryetari i komunës”.
Marketing
