FC Prizreni vazhdon të impresionojë në Ligën e Dytë të Kosovës, duke siguruar pesë fitore në pesë ndeshje të zhvilluara deri tani, raporton PrizrenPress.
Në ndeshjen e zhvilluar sot në stadiumin “Përparim Thaçi”, ekipi përballë FC Sharri e filloi ndeshjen me një disavantazh, pasi Naim Daci shënoi për mysafirët në minutën e 38-të.
Megjithatë, Ylli Myrtezani riktheu shpresat për FC Prizrenin me një eurogol spektakolar, duke barazuar rezultatin. Në momentet vendimtare, Leonard Memaj, i cili hyri si zëvendësues, shënoi golin e fitores në minutat e fundit, duke i dhënë Prizrenit triumfin 2-1.
Me këtë fitore, FC Prizreni është lider absolut i kampionatit, duke dëshmuar se janë të vendosur për të vazhduar rrugën drejt suksesit./PizrenPress.com/
