Në 35-vjetorin e rënies, sot u nderuan dëshmorët Nesimi Elshani nga Nagaci, Agron Fetahu nga Celina, Halim Hoti nga Krusha e Madhe dhe Hilmi Krasniqi nga Hoça e Vogël.
Ceremonia përkujtimore u mbajt në vendin e tyre të rënies në lakun e Brestocit, ku morën pjesë familjarë, qytetarë dhe përfaqësues të ndryshëm.
“Janarët e përflakur janë gjurmë të përpjekjeve titanike për luftën çlirimtare, prandaj nderimi dhe respekti për ata që qëndruan dhe u flijuan, është dhe do të jetë i përjetshëm”, theksohet në mesazhin përkujtues të komunës.
Misioni dhe ideali i këtyre heronjve mbetet i lavdishëm dhe i përjetshëm, ndërsa sakrifica e tyre kujtohet si një gur themeltar në historinë e luftës për liri.
“I lavdishëm ishte dhe mbetet misioni dhe ideali i tyre! Qoftë i paharruar 27 janari i vitit 1990! Lavdi dhe nderime për jetë e mot, gjakut të derdhur për liri!”, përfundon mesazhi përkujtues./PrizrenPress.com/
Marketing
