Klubi Basketbollistik Bashkimi ka bërë me dije se lojtari Jarveous McKinnis është rikuperuar plotësisht nga lëndimi dhe do të jetë i gatshëm të rikthehet në parket, duke nisur nga ndeshja e radhës kundër Pejës, përcjell Prizre Press.
“Kemi një SUPER-lajm! Jarveous McKinnis është rikuperuar plotësisht nga lëndimi dhe do të jetë gati, jo vetëm për fazën play-off, por që nga ndeshja me Pejën. Bisha jonë është kthyer — le ta bëjmë këtë!”, thuhet në njoftimin e klubit.
Rikthimi i McKinnis vjen në një moment të rëndësishëm për skuadrën dhe pritet të jetë një shtysë e madhe drejt objektivave të këtij sezoni./PrizrenPress.com
