Një person është arrestuar të dielën mbrëma në rrugën “Kastriotët” në Prizren, nën dyshimin për mbajtje të paautorizuar të armës.
Arrestimi u bë pas një informate operative që çoi në ndërhyrjen e Policisë.
“Policia mori informacionin se një person dyshohej se po mbante armë zjarri. Menjëherë pas kësaj, njësitet policore u angazhuan në terren”, ka njoftuar policia raporton Sinjali.
Në vendin e ngjarjes intervenoi edhe njësia e krimteknikës, ndërsa i dyshuari, A.S. (i lindur në vitin 1962), u identifikua dhe u shoqërua në Stacionin Policor të Prizrenit.
Pas intervistimit, me urdhër të Prokurorit të Shtetit, ndaj tij është caktuar masa e ndalimit prej 48 orësh. Ndaj të dyshuarit është hapur rast penal për veprën “Mbajtje në pronësi, kontroll ose posedim të paautorizuar të armëve”.
Hetimet në lidhje me këtë rast janë duke vazhduar.
Marketing
