Drejtoresha e Arsimit në Prizren, Luljeta Veselaj-Gutaj, me përfundimin e vitit shkollor, ka dhënë një mesazh falënderues dhe përplot mirënjohje për nxënësit, mësimdhënësit, prindërit dhe të gjithë punonjësit e arsimit.
KLIKO VIDEON:https://www.facebook.com/PrizrenPress/videos/1256066368861200
“Përfunduam edhe një vit shkollor me të arritura konkrete, rezultate të prekshme dhe suksese të larta”, u shpreh Gutaj, duke vlerësuar kontributin e gjithsecilit në rrugëtimin arsimor.
Ajo theksoi se ky vit ka qenë i mbushur me përkushtim, punë, sfida dhe përpjekje të përbashkëta, të cilat kanë sjellë fryte të dukshme.
“Nxënësit kanë qenë zemra e këtij viti. Me zellin, buzëqeshjen dhe ëndrrat e tyre, ata kanë sjellë gjallëri në çdo klasë”, tha ajo.
Mësimdhënësit, sipas saj, meritojnë falënderime të veçanta për punën e tyre të palodhshme dhe të përkushtuar.
“Faleminderit për durimin, dashurinë dhe profesionalizmin që treguat çdo ditë në rrugën e dijes,” theksoi drejtoresha.
Për prindërit, Veselaj- Gutaj u shpreh se mbështetja dhe bashkëpunimi i tyre kanë qenë një shtyllë e fortë për suksesin e përbashkët.
Në përmbyllje të mesazhit të saj, ajo uroi pushime të mbara për të gjithë, duke i inkurajuar nxënësit të shfrytëzojnë këtë periudhë për të lexuar dhe për t’u përgatitur për sfidat e ardhshme.
“Lexoni sa më shumë për të ardhmen tuaj më të ndritur. Përqafime për të gjithë nxënësit”./PrizrenPress.com/
Marketing
