Kryetari i Komunës së Prizrenit, Shaqir Totaj, ka emëruar Adem Morinën drejtor të Drejtorisë për Turizëm dhe Zhvillim Ekonomik në Komunën e Prizrenit, për një mandat katërvjeçar.
Drejtori i sapoemëruar, Adem Morina, ka falënderuar kryetarin e Komunës, Shaqir Totaj, për besimin e dhënë, si dhe të gjithë ata që e kanë mbështetur.
“Sot, me nder dhe përgjegjësi, kam pranuar detyrën për të udhëhequr Drejtorinë për Turizëm dhe Zhvillim Ekonomik në Komunën e Prizrenit për katër vitet e ardhshme.
Me përkushtim dhe bashkëpunim, do të punojmë që Prizreni të shfrytëzojë maksimalisht potencialin e tij turistik dhe ekonomik”, shkruan Morina në Facebook./PP/
