Anëtarët e Kuvendit të Komunës së Suharekës gjatë seancave të mbajtura në periudhën janar- qershor 2014 kanë bërë gjithsej 63 pyetje për Ekzekutivin e kësaj komune.
“37 për qind e pyetjeve kanë qenë të lidhura me aspekte procedurale të punës së organeve të Komunës së Suharekës”, thotë përfaqësues i KDI-së Naim Cahanaj.
“Anëtarët e PDK-së në Kuvendin e Komunës së Suharekës prijnë me numrin e pyetjeve të bëra gjatë kësaj periudhe me gjithsej 38.1 për qind të pyetjeve, të pasuar nga anëtarët e LVV-së me gjithsej 22.2 % të pyetjeve të përgjithshme”
Anëtarët më aktiv në parashtrimin e pyetjeve në Kuvendin e Komunës së Suharekës, sipas tij, janë Leonard Shala (LVV) me 17.5 % dhe Florije Bytyqi (PDK) me 12.7 % të pyetjeve të përgjithshme./PrizrenPress.com/