15.8 C
Prizren
E enjte, 15 Maj, 2025

Veteranët thonë se protesta u politizua

OVLOrganizata e Veteranëve të Luftës të UÇK-së të cilët mbështetën protestën e sotmen dënojnë politizimin e saj si dhe sulmet që u bënë ndaj Policisë dhe ndërtesës së Qeverisë.

Gjithashtu ata dënojnë ashpër të gjithë ata që tensionuan situatën, luajtën me ndjenjat e sinqerta të qytetarëve, duke e shndërruar protestën në të kundërtën e qëllimit të saj.

“Përderisa qytetarët u tubuan për mbrojtjen e pasurive të Kosovës, kahja politike dhe huliganiste që iu dha protestës, prodhoi të kundërtën: u demoluan ndërtesat e institucioneve të Kosovës dhe objektet afariste, si dhe u lënduan ata që kujdesen për sigurinë tonë”, thotë OVL e UÇK-së.

E ripërsëritin se mbrojtja e pasurive të Kosovës si dhe dënimi i deklaratave shoveniste nga ana e një ministri serb të Qeverisë së Kosovës, ishin qëllimet për të marrë pjesë në protestën e sotme.

“Kështu besojmë se edhe qytetarët që morën pjesë, kishin sinqeritetin më të madh për protestë dinjitoze, e assesi prirjen për dhunë të panevojshme”, thotë OVL e UÇK-së.

Shoqatat e dala nga Lufta e UÇK-së, thonë se do të përkrahin të gjitha protestat paqësore për të mirën e përgjithshme, e assesi protestat vandaliste ku dëmtohen pronat publike dhe të qytetarëve.

Më Shumë

Aksidenti me fatalitet në autostradën “Ibrahim Rugova”, viktima shtetase e Shqipërisë

Një aksident me fatalitet ka ndodhur dje në autostradën “Ibrahim Rugova”. Në përplasjen mes një kamioni dhe një veture, e vdekur ka mbetur një grua....

‘Koha’ nga Tuzi fiton çmimin e parë në festivalin ‘Anadrinia Jehon’

Festivalin e 24-të të folklorit “Anadrinia Jehon”, i mbajtur në fshatin Dejnë të Rahovecit, e mbylli me sukses organizimi i nivelit të lartë dhe...

Lajmet e Fundit