Ministri i Punëve të Jashtme, Hashim Thaçi, është takuar me ministrin e Jashtëm të Gjermanisë, Frank-Walter Steinmeier, dhe me zyrtarët të tjerë të lartë të Gjermanisë gjatë vizitës zyrtare në Berlin.
Zëvendëskryeministri Thaçi ka falënderuar Gjermaninë për angazhimin e saj në përkrahje të Kosovës gjatë gjithë këtyre viteve.
“Gjermania është një nga partnerët kryesorë të Kosovë”, ka thënë zëvendëskryeministri Thaçi, duke shtuar se “mbështetja që nga viti 1999 ka qenë jetik për Kosovën dhe për rajonin”.
“Zëvendëskryeministri Thaçi ka njoftuar ministrin Steinmeier për angazhimin e Kosovës për t’u përballur me sfidat, veçanërisht me atë të fundit, të emigrimit ilegal të qytetarëve, për të cilët u tha se nuk do të gjejnë vend në Gjermani dhe askund në BE dhe do të duhet të kthehen prapa”, është thënë në njoftimin e MPJ-së.
Thaçi ka kërkuar ndihmën e Gjermanisë në anëtarësimin e Kosovës në Këshillin e Evropës, Partneritetin për Paqe të NATO-s si dhe në lobim të shtuar për njohjen e Kosovës nga shtetet e BE-së.