Sheshi “Shatërvan” në Prizren ka mbetur në terr.Nesim Kolloni,pronar i restorantit familjar “Pashtriku”, dhe Kujtim Maralia, pronar i kafeterisë “Family Caffe House” thonë se që nga orët e para të mbrëmjes së fundit e deri në këto momente, është ndërprerë furnizimi me energji elektrike.
“Për këtë çështje kemi informuar organet e KEDS-it, por një veprim të tyre për të intervnuar rreth këtij shqetësimi që kemi nuk jemi duke a parë”, thonë ata.
Ata tregojnë se si pasojë e ndërprerjes së furnizimit, atyre po i’u shkaktohen dëme të konsiderueshme jo vetëm në pajisje teknike, por edhe në rënien e numrit të klientëve dhe gjërave të tjera.
Lidhur me këtë çështje ne kemi kontaktuar zyrtarë të distriktit të KEDS-it në Prizren, të cilët na thanë se ndërprerja e furnizimit me energji elektrike në këtë zonë, është pasojë e një defekti në rrjetin nëntokësor të furnizimit, dhe së shpejti do të fillojnë angazhimet në sanimin e këtij defekti, thanë ata. /TVPZ/