Kryetari i LDK-së në Prizren, Haxhi Avdyli nuk pret dorëheqjen e kryetarit të Komunës Ramadan Muja. Ai thotë se Mujës i mungon akti moral politik, edhe pas kallëzimit të ri penal.
“Të dënuarit Muja i bëhet kallëzim tjetër penal. I laguri nuk i mërzitet shiut, as i dënuari Muja me shokë nuk do i mërzitet ridënimit”, shkruan Avdyli në Facebook.
“Dorëheqja si akt moral, edhe pse e vonuar është shërbimi më i vogël që do i bënte qytetit”.
“Por askush nuk po e pret këtë akt, sepse mungon morali politik. Deri në vendosjen e drejtësisë në vend, i vetmi që po vuan dënimin nga keqqeverisja do mbetet qytetari i Prizrenit”./PrizrenPress.com/