Ka mbyllur sytë në moshën 98-vjeçare, At’Konstantin Pistulli, i fundmi i brezit të etërve Françeskan të Shqipërisë të cilët për 50 vite me radhë provuan mbi kurrizin e tyre persekucionin komunist dhe përkundër shtypjes dhe vuajtjeve i qëndruan besnik fesë dhe atdheut.
At Aurel Gjerkaj Ministër Provincial i Françeskanëve të Shqipërisë shprehet se at Konstatini ka qenë frymëzuesi i dashurisë ndaj fesë dhe atdheut.
At’ Konstantin Pistulli ka shërbyer si meshtar në zonat e thella malore, por problemet shëndetësore bënë që në vitin 2005 ai të tërhiqej nga jeta aktive kushtuar Kishës për 74 vite radhazi.
Deri në vitin 1958 ai ka qënë Ministër Provincial i Franceskanevë. At Konstatin Pistulli lindi në Shkodër në tetor të vitit 1916 dhe në vitin 1941 u shugurua meshtar.
Nga regjimi komunist qe detyruar të punojë në koperativa dhe në punë të rënda.
Në kuvendin e Gjuhadolit kaloi vitet e fundit të jetës së tij, i sherbyem përzemërsisht prej fretenve e të afërmve të tij.
Ceremonitë mortore do vazhdojnë deri në ditën e hënë, ku edhe do bëhet mesha e varrimit nga nunci Apostolik Ramiro Molinar Ingles.
At Konstatin Pistulli do varroset në Kishën e Arrës së Madhe përkrah At Zef Pllumit.