Mitrovica e Veriut, pritet të konstituohet si komunë e katërt me shumicë serbe në veri të vendit, tek pas procesit të zgjedhjeve të 3 nëntorit. Një shembull të tillë, Kosova ka ndjekur edhe me komunat e reja të formuara pas zgjedhjeve të fundit lokale.
Ndërsa nga Ministria e Pushtetit Lokal nuk kishte një përgjigje rreth formave dhe procedurave ligjore që do të ndiqen nga mbajtja e zgjedhjeve deri te formimi i komunës së re të Mitrovicës së Veriut, shkruan “Tribuna”.
Analistët shohin bazë të mjaftueshme ligjore për të proceduar tutje sipas Marrëveshjes tashmë të arritur në Bruksel, ku si komunë me vete përmendet edhe Mitrovica e Veriut edhe pse ajo nuk është konstituar ende.