Arjeta Nezaj ka shpallë kandidaturën për kryetare të Forumit të Gruas së LDK-së në Prizren. Ajo thotë se vendimin për të kandiduar për këtë post politike, e ka marrë pas kërkesave të shumta të grave.
“Ka qenë kërkesë e masës për reforma dhe gjenerata të reja në LDK”, thotë Nezaj për “PrizrenPress”.
LDK në Prizren nga viti i kaluar është duke zhvilluar procesin e zgjedhjeve të brendshme. Javën e ardhshme pritet të mbahet edhe Kuvendi Zgjedhor i Forumit të Gruas.
Kandidatja Arjeta Nezaj në mandatin e kaluar ka qenë kuvendare e LDK-së.
Ajo premton se nëse fiton,do të ngritë peshën dhe aktivitetin e Forumit të Gruas së LDK-së në Prizren.
“Deri më tash Forumi i Gruas së LDK-së ka qenë shumë pasiv”.
“Nëse zgjidhem në krye të Forumit të Gruas, ky pasivitet do të harrohet pasi që do të punojë bashkë me gratë e tjera”./PrizrenPress.com/