Rreth 33 mijë maturantë të Kosovës sot do t’i nënshtrohen testit të Maturës.
Provimi, sikur edhe vitet e mëparshme do të mbahet në dy pjesë. Pjesa e parë do të mbahet më 6 qershor(sot), ndërsa pjesa e dytë më 20 qershor.
Testi fillon në orën 10:00 dhe përfundon në orën 13:00.
Ministri i Arsimit do të vizitojë disa shkolla për të parë për së afërmi si po shkon ky proces, ndërkohë, pasdite Komisioni Qendror Shtetëror i Maturës, do të mbajë konferencë për media për mbarëvajtjen e Provimit të Maturës.