Kuvendari i Bashkimit Demokratik (BD) në Prizren, Skender Susuri është punësuar pa konkurs në shkollën fillore “Abdyl Frashëri”. Në këtë shkollë, ai është punësuar si pedagog.
Drejtoresha e shkollës ”Avdyl Frashëri”, Lumnije Rakaj ka konfirmuar për “PrizrenPress”, punësimin e Susurit.
“Po është e vërtet se ka filluar punën Skender Susuri në shkollën tonë”, tregon ajo.
Rakaj nuk ka pranuar të tregojë se a ka pasur apo jo konkurs për këtë vend të punës.
“Ju lutem këtë pyetje mund t’ia bani Drejtorisë së Arsimit”.
Skender Susuri është kuvendar i BD-së së Zafir Berishës në Kuvendin e Prizrenit. Ai vazhdimisht ka akuzuar Drejtorinë e Arsimit për netpotizëm dhe punësim pa konkurs.
Burimet e “PrizrenPress-“it brenda shkollës fillore “Avdyl Frashëri” bëjnë të ditur se nuk ka pasur konkurës për vendin ku është punësuar Susuri.
“Është habitë edhe drejtoresha kur e ka parë në punë”, tregon burimi brenda kësaj shkollë.
Ndërkaq, Skender Susuri nuk i është përgjigjur pyetjes së “PrizrenPress”-it, për mënyrën e punësimit në shkollën “Avdyl Frashëri” në Prizren. Gjuhën e heshtjes për këtë rast e ka zgjedhur edhe Drejtoria e Arsimit.
Drejtori i Arsimit Nexhat Çoçaj, deri në këto momente të raportimit nuk ka kthyer përgjigje për mënyrën e punësimit të Susurit. /PrizrenPress.com/