Sot, rreth orës 09:50 në një rrugë të fshatit Sopijë të Suharekës ka shpërthyer një zjarr në një traktor, i cili ishte i ngarkuar me kashtë.
“Shkaktar i shpërthimit të zjarrit thuhet të jenë përçuesit elektrik të cilët e kanë prekur ngarkesën duke krijuar shkëndija e më pas kashta ka marrë flakë. Nuk ka mundur të shpëtohet as traktori me rimorkio”, thotë zëdhënësi i Policisë Rajonale në Prizren, Hazir Berisha.
Në vendin e ngjarjes kanë dalë zjarrfikësit dhe ekipi i KEDS-it.
“Në vazhdim pritet të sqarohet nëse telat e rrjetit nuk kanë qenë të vendosur në lartësinë e duhur apo pasoja ka ardhur nga mbingarkesa dhe pakujdesia e traktoristit”, thotë Berisha. /PrizrenPress.com/