Qendra Evropiane për ruajtje e natyrës dhe Komuna e Prizrenit kanë nënshkruar sot marrëveshjen e bashkëpunimit për realizimin e projektit të Kompleksit Sportivo relaksues në shtëpinë e malorëve që gjendet afër fshatit Struzë.
Marrëveshjen e bashkëpunimit në realizimin e këtij projekti e kanë nënshkruar zyrtarët e Komunës në mesin e të cilëve ishte nënkryetari i Komunës dhe drejtori i turizmit, me zyrtarët e Rrjetit të zbatimit të planifikuar të biodiveristetit lokal ECNC.
Nënkryetari i Komunës Ruzhdi Rexha e vlerësoi edhe bashkëpunimin me ECNC-në, edhe projektin që do të realizohet.
Përfaqësuesja e Rrjetit të zbatimit të planifikuar të biodiveristetit lokal ECNC, tha se projekte të ngjashme janë duke u realizuar në 8 qytete të shteteve të ndryshme, ndërsa në Kosovë është zgjedhur Prizrenit,transmeton TV Opinion.
Kryetari i Shoqatës së Malorëve, Sadik Shorta, projektin që pritet të realizohet, e vlerësoi si ndihmë në shtimin e rëndësisë së kësaj pike turistike të qytetit të Prizrenit.Projekti parashihet të kushtojë rreth 40 mijë euro, nga të cilat 20 mijë do ti ndajë ECNC ndërsa 20 mijë të tjera komuna e Prizrenit.