Kuvendarja e Lëvizjes Vetëvendosje! në Prizren, Drita Millaku ka paralajmëruar arrestimin edhe të dy drejtorëve të “Qeverisë Muja”.
Ajo thotë se ka informacione se dy drejtorë janë duke u hetuar, ndonëse nuk i tregon emrat e tyre.
“Priten të arrestohen edhe dy drejtorë; njëri për tjetërsim të pronës, kurse tjetri për lidhje të kontratave në dëm të Komunës”, shkruan Millaku në Facebook.
“Kjo qeveri ka vetëm një të mirë dhe ajo është hyrja në librin e Genisit për prodhim të kriminalitetit”.
Drejtori i Arsimit Nexhat Çoçaj, javën e kaluar është arrestuar bashkë me pesë zyrtarë të tjerë të kësaj drejtorie. Kuvendarja Millaku thotë se këtij numri shumë shpejt pritet t’i shtohen edhe dy drejtorë të tjerë./PrizrenPress.com/