Drejtori i Qendrës Rajonale për Trashëgimi Kulturore në Prizren, Samir Hoxha ka pritur në takim kryetarin e Këshillit për Qendrën Historike të Prizrenit, Arbnor Morina.
Hoxha dhe Morina, kanë diskutuar për bashkërendimin e punëve dhe aktiviteteve që dalin si detyrime ligjore nga Ligji për Qendrën Historike të Prizrenit.
“Sot pata kënaqësinë që ta pres në takim kryetarin e Këshillit për Qendrën Historike të Prizrenit z. Arbnor Morina, me të cilin diskutuam për bashkërendimin e punëve dhe aktiviteteve që dalin si detyrime ligjore nga Ligji për Qendrën Historike të Prizrenit”, ka thënë Hoxha.
Këshilli për Trashëgiminë Kulturore të Prizrenit, përbëhet nga shtatë anëtarë profesionist në fushën e trashëgimisë kulturore ku tre prej të cilëve përfaqësojnë bashkësitë fetare në vend.
Ligji për Qendrën Historike të Prizrenit, ka për qëllim përcaktimin e rregullave për mbrojtjen, administrimin dhe zhvillimin bashkëkohorë të qëndrueshëm kë kësaj qendre, si pronë e trashëgimisë kulturore dhe historike në mbrojtjen e përhershme dhe të klasifikuar si Zonë e veçantë e mbrojtur me vlera të interesit lokal, shtetëror dhe ndërkombëtar.
“Angazhimet e përbashkëta nga të gjitha institucionet dhe mekanizmat e involvuar në ruajtjen, mbrojtën dhe administrimin e qendrës historike të Prizrenit do jenë të vazhdueshme me qëllimin të zbatimit të legjislacionit në fuqi”, ka thënë Hoxha. /PrizrenPress.com/