Drejtori i Policisë në Prizren, Nexhmi Krasniqi, do të rikthehet në vendin e tij të punës në Prizren.
Ai i ka thënë “PrizrenPress”-it se do të dalë në punë javën e ardhshme në postin që e ka pasur si drejtor i Policisë.
“Javën e ardhshme do të rikthehem me punë në Prizren, në postin që kam pasur para suspendimit”, ka thënë Krasniqi.
Krasniqi pasi ishte suspenduar nga Inspektorati Policor i Kosovës, muajin e kaluar nënshkroi vendimin për kthimin e tij në pozitën e njëjtë të punës.Mirëpo,vendimi ishte ndryshuar pasi që Krasniqi ka dalë në vendin e punës, duke transferuar si shef i operativës në Gjakovë.
Inspektorati Policor i Kosovës (IPK) në shtatorin e vitit të kaluar i kishte rekomanduar Policisë së Kosovës suspendimin e drejtorit të Drejtorisë Rajonale të Policisë së Prizrenit, Nexhmi Krasniqit, së bashku me Besim Rexhepin, udhëheqës në sektorin e hetimeve të vrasjeve, nën dyshimin se nga informacionet që posedonte IPK kishte ankesa nga qytetarët ndaj tyre.
Rexhepi ishte kthyer në punë rreth tre muaj më parë, ndërsa muajin e kaluar kthimin në punë e nënshkroi edhe drejtori Krasniqi. /PrizrenPress.com/