Dega e PDK-së në Prizren, ka uruar kancelarin e Ipeshkvisë së Kosovës, Don Shan Zefi dhe të gjithë besimtarët e besimit të Krishterë në Komunën e Prizrenit, me rastin e Pashkëve Katolike.
“Partia Demokratike e Kosovës dega në Prizren dhe kryetari i saj Minir Krasniqi, uron të gjithë besimtarëve të krishterë katolikë, por dhe të gjithë besimtarëve të Zotit “Gëzuar Pashkët”, ditën e shpresës së pashuar dhe të përjetësisë, ditën e ringjalljes së Krishtit, që pas kryqëzimit u ringjall për të ndryshuar aq shumë botën dhe moralin e shoqërisë njerëzore”, thuhet në urim të PDK-së në Prizren.
“Dega e PDK-së në Prizren uron që vitin e ardhshëm, Pashkët të na gjejnë edhe më mire në përkushtimet e përbashkëta politike dhe shoqërore për një jetë më të mirë për të gjithë qytetarët e Komunës së Prizrenit si dhe gjithë njerëzimit në mbarë globin”./PrizrenPress.com/